6/3/24

"Los reyes de la casa" e "La conjura de noviembre", comentadas polo grupo de Adultos.


 "Los reyes de la casa" de Delphine De Vigan, mantívonos intrigados a todos ata o final.

 A temática da explotación de menores, exposta nas redes sociais mediante imaxes diarias de menores, cedidas  por uns pais con afán lucrativo, deixa entrever a súa propia infelicidade. Amósanos a diferencia entre o que se enseña e a realidade que viven na familia. Demostra a insatisfación dos protagonistas que de adultos denuncian aos propios pais.

É unha novela con linguaxe traslúcido e preciso, de fácil lectura que conmove e incita a descubrir tan tráxico final. 


"La conjura de noviembre" de Sergio Mayo, é un sinxelo relato sobre a investigación do asesinato de Kennedy, e as irregularidades durante o xuizo, descubrindo  as forzas vivas implicadas tanto no feito en si como na investigación: CIA, FBI, membros do goberno, políticos, famosos... 







28/1/24

"Moby Dick" intriga aos lectores de 3º de ESO

Os lectores de 3º de ESO estiveron en suspense coas aventuras  de "Moby Dick".
O libro lido é unha adapación resumida en vintecatro capítulos que recollen o esencial da historia orixinal e conserva a intención e estilo de Herman Melville, novela considerada para moitos "a mellor novela da literatura norteamericana" e para outros, "o mellor libro sobre o mar escrito".
Conta a historia do barco baleeiro Pequod, a cargo do maniático capitán Ahab para vengarse dunha lexendaria balea blanca coñecida como Moby Dick .
A obra expón o valor da profesión dos pescadores en xeral , e dos baleeiros en particular polos riscos en altamar, do  poder dos cargos superiores, da loita entre o ben e o mal e a razón e a locura. 
Abundan as referencias a anatomía , caza e hábitat das baleas que semella un tratado de zooloxía e tamén de filosofía polas decisións a tomar sen cargo de conciencia.
Literariamente combina a narrativa, diálogos teatrales  e ensayo de xeito fluido e ben comprensible.




"Los diarios de Cereza", cinco novelas gráficas que fan disfrutar aos lectores de 1º de ESO

 





  • El zoo petrificado  2. El libro misterioso  3. Los cinco tesoros  4. La diosa sin cara  5. La lluvia de estrellas , son os cinco libros que intercambiaron os lectores/as de 1º de ESO.

Tengo diez años y medio, y mi sueño es llegar a ser escritora. Mi truco para contar historias es observar a las personas, imaginar sus vidas, sus secretos... Todos tenemos un secreto escondido que no contamos a nadie y que nos hace ser lo que somos.

Ese é o comenzo textual desta colección de novelas gráficas premiada co máis prestixioso premio europeo desta categoría .
Esta obra é unha mezcla orixinal de cómic e narrativa na que aparecen elementos compartidos no imaxinario colectivo dos nenos: primeira banda de amigos, cabana na árbore, bicicleta como medio de transporte, personaxes adultos intrigantes...
Destacaron a presentación da obra en cómic,os diálogos con debuxos moi coidados e coloridos que os incitaba a non deixar de ler.
A nivel educativo resaltar a solidariedade que une aos protagonistas compartindo o mundo dos adultos e dos nenos de xeito respectuoso e gratificante.


 



 



 


19/1/24

"Os Sabuxos divírtense no Museo Prohibido" e os lectores de 5º con eles!


Tódolos lectores foron quenes de redactar un resumo das aventuras dos Sabuxos no Museo Prohibido.
Os Sabuxos viven nun barrio tranquilo e divírtense cada día sen maiores artiluxios. Un día atopan un sitio tan secreto que ata ten boa cantidade de aparellos estraños e marabillosos para facer maxia.  Alí divírtense á esgalla sen decatarse de que están pechados.
O máis relevante acto de maxia que experimentan é cando a un veciño lle escapan coellos e coa maxia dun sombreiro conseguen atraelos a todos para a súa casa.

 



Teatro, poesía, e narrativa para lectores do grupo de adultos

 


Teatro: "As alumnas", autora: Paula Carballeira.

O reencontro de dúas mestras no enterro da pedagoga galega María Barbeito , failles rememorar o papel das mulleres no marco histórico anterior e posterior á Guerra Civil e como o franquismo significou un  retroceso na educación do Estado. A educación, peza fundamental no desenvolvemento e libertade das  persoas, especialmente das mulleres, é o tema da obra.

Poesía: "Materia", autora: Yolanda Castaño.

Disfrutamos da lectura en directo dun poema escollido por unha lectora entusiasta deste estilo literario.

Toda a obra mostra metafóricamente temas da memoria persoal e colectiva, a maternidade, a familia, as costumes, a casa e o paso do tempo.  Emprega unha linguaxe profunda, elegante e culta pero á vez comprensible e fácilmente interiorizable.

Narrativa: "Los incomprendidos", autor: Pedro Simón.

Unánimente declarada a mellor obra deste autor, tanto pola temática como pola exposición dos acontecementos empregando unha linguaxe propia dos protagonistas que convida a meterse no seu rol.

Trátase dunha historia  que podería ser real en calquer familia, a viaxe desde a infancia á intrépida adolescencia; os cambios da alborotada infancia ao silencio sepulcral.

 Sobresae a culpa sen dar solución convincente e que provoca máis soedade e incomunicación familiar.

Denuncia a ambición por ter mellor status social que tampouco implica máis felicidade. 







13/12/23

Doblete fan os lectores de 6º de EP con: "Sainza, a punkereteira" e "El cuarto de las ratas".

 

No Club de Lectura de 6° o alumnado analizou polo miúdo “El cuarto de las ratas” que é un libro que atoparon corto e sinxelo de ler. Ao principio custoulles engancharse, pero despois á maioría gustoulles xa que é unha trama de misterio cun final sorprendente e no que se ve o paso hacia a madurez de Margarita, a protagonista.

O segundo libro que leron foi “Saínza, a punkereteira” que lles recordou as Tanxugueiras. Encantáronlles as ilustracións e a historia dunha rapaza libre que ama o rural e que transmite os valores da amizade, da loita contra as inxustizas, do enriquecedor que é o contacto coa natureza e cos avós, da liberdade, da igualdade… En definitiva un libro para recomendar.








5/12/23

Os lectores-investigadores de 3º de ESO, descubren aos autores/as do " Asesinato en el Orient Express"


Por decisión unánime este grupo de lectores de 3º de ESO, escolleron á raiña do xénero da intriga, Agatha Christie, e ao lexendario tren, Orient Express para instruirse no labor policíaco.

Unha viaxe en principio tranquila polas datas e recorrido, vese alterada polo apuñalamento do americano Ratcher. Calquer usuario do tren pode ser considerado culpable, incluso unha altiva princesa e unha institutriz inglesa ... porque ninguén saíu dos vagóns.

A brillante e intelixente deducción do axente Poirot, que enlaza os acontecementos , declaracións dos sospeitosos, pistas  e obxectos atopados , da cos autores do crime.

É unha novela de lectura áxil, entretida, corta para tantos persoaxes, datos e feitos, con trama moi forzada pero con final maxistral. 






 


3/12/23

Lectores de 1º de ESO, comparten os misterios de "A pedra de seixo"

O alumnado de 1º de ESO, le os resumos e anotacións tomadas durante a lectura individual deste libro e compártenas. Os  protagonistas están matriculados no mesmo curso ca eles, as exposicións son tan detalladas que só queda corroborar e puntualizar detalles do que as/os lectoras/es escribiron.

 Un grupo de amigos/as, nunha tarde de aburrimento e á proposta do propietario da "bóla de cristal" que a súa avoa lle regalara polo seu aniversario, deciden sacarlle partido... pero entre eles xorden interrogantes: medo? Nervios? Marcha atrás? Indecisión? Todos tiñan dúbidas do poder da bóla máxica.

O que máis lles gustou foi compartir experiencias, resolver misterios, e contar noticias  parecidas escoitadas por eles mesmos ou familiares pola radio. Aproveitamos a mención deste medio informativo para valorar e resaltar as cualidades que ten fronte a outros con imaxes ás veces impactantes e irreais.
Coinciden tamén na faceta divertida e con moralexa que lles fai reflexionar.





29/11/23

"A gruta da torre" engaiola ao alumnado de 2º de ESO


 


 O alumnado de 2º de ESO disfrutou coas aventuras dun grupo de estudantes que veraneaban en Ribadeo e tiveron a sorte de estar "acompañados " de Cuquita, a foca con final de vida tráxico.

Viven intensas aventuras na búsqueda dun tesouro,  que un documento atopado na vella biblioteca da Torre dos Moreno, di que se esconde... A aventura, os amores de verán e o amor polos libros fraguan fortes lazos de amizade.

O que máis os enganchou foi a confesión dun dos protagonistas: escribiuse este libro por culpa de suspender o galego, e o mestre pedirlle un diario a entregar en setembro.

Sorprendéronse tamén ao citar  Illa Pancha e coincidir que a coñeceron na viaxe de Club de lectura 2023, así como a praia de As Catedrais , A torre dos Moreno, prazas de Ribadeo... e lugares emblemáticos da costa lucense.