24/6/15

MÁIS LIBROS E CINE

No Club de Lectura Guntín seguimos neste curso comentando e analizando obras literarias que teñen adaptación ao cine.

Nos grupos do alumnado lemos:
Oliver Twist, de Charles Dickens
Billy Elliot, de Melvin Burgess
O Nicolasiño, de René Goscinny e Jean-Jacques Sempé
Los juegos del hambre, de Suzanne Collins
La ladrona de libros, de Markus Zusak

E no grupo de adultos:
La muerte en Venecia, de Thomas Mann
A esmorga, de Eduardo Blanco Amor
Desayuno en Tiffany's, de Truman Capote
Una habitación con vistas, de E. M. Forster

Pero incluímos tamén algunha obra que de momento non teñen adaptación a gran pantalla: O agasallo de Anya, de Sabela Núñez Singala para o alumnado e A memoria da choiva, de Pedro Feijoo para os adultos.

Aparte das lecturas, no mes de xuño fixemos unha visita ao Pazo de Oca; os fermosos xardíns que percorremos foron escenario de varias películas como La piel que habito de Pedro Almodóvar, Sonatas de Juan Antonio Bardem o La noche oscura de Carlos Saura.

10/6/14

ANDAMOS A LER POR LUGO ADIANTE

   Ata tres veces tivemos que cambiar a data da nosa particular ruta literaria pola cidade amurallada a causa das alertas meteorolóxicas pero finalmente, o 18 de febreiro, conseguimos que as nubes deixasen de pingar e facer a viaxe prevista. Comezamos por coñecer a Biblioteca Nodal de Lugo, alí explicáronnos o seu funcionamento, visitamos as salas con donacións que albergan verdadeiras xoias nos seus estantes, e faláronnos das actividades culturais que promove este espazo cultural. Aquí vos deixamos o enlace á sua páxina por se queredes estar informadas e informados.
BIBLIOTECA PÚBLICA LUGO

Despois botamos a andar ate a estatua de Rosalía de Castro e alí comezamos a lectura compartida de diversos autores galegos. Tamén visitamos a cadena Ser e participamos na lectura de poemas de Manuel María. Aquí vos deixamos unhas imaxes do que foi esta bonita xornada.













17/3/14

To Kill a Mockingbird...

...ou para nos mais coñecido como Matar a un ruiseñor é o titulo que nos agarda para a seguinte xuntanza. Xa, sen querer, imos comentando polos corredores o moito que nos está a enganchar esta novela da que a maioría de nós sabíamos pola película protagonizada por Gregory Peck, asi que ÁNIMO FAMILIAS!!! vide recoller un exemplar á biblio do centro e unídevos ao grupo !!!! Xuntarémonos o vindeiro 1 de abril as 16.15. Ogallá sexamos moit@s!!!

19/2/14

XUNTANZA SOBRE O DIARIO DE NOAH

O 24 de xaneiro xuntámonos na biblioteca do centro o grupo II do club de lectura para comentar as impresións sobre a obra de Nicholas Sparks, El cuaderno de Noah. Á maioría de nos gustounos mais o libro que a película e adicamos case toda a sesión a falar das diferenzas que atopabamos entre eles. O que mais nos chamou a atención foi a interpretación que fixeron do personaxe principal no filme que non nos encaixaba con como se nos presenta no libro.
Foi un libro que en xeral gustou e que nos permitíu falar de emocións e sentimentos así coma de reflexionar sobre o esquecemento e o amor.

24/1/14

REMATOU A HISTORIA...

O pasado mércores 22 de xaneiro xuntámonos na biblioteca do centro para falar sobre a obra de Michael Ende , La Historia Interminable. Recordamos algunha das personaxes fantásticas que mais nos chamaron a atención coma o "comerrocas", o dragón "fuyu" ou o valente "atreyu". Puxemos en común as nosas opinións sobre a película e o libro que en xeral non convenceu moito aos nosos lectores.
Nesta entrada queremos dar ademais a benvida ao noso club a Antía, a nosa compañeira de Lousada que o próximo curso virá para o noso centro a cursar 1º de ESO.
Agora xa so nos queda falar do novo libro de lectura pero iso será noutra entrada deste blog xa que a obra ben o merece...
Ate pronto lectoras e lectores!!!

11/12/13

XA TEMOS NOVOS TÍTULOS ...

No grupo de adultos decidimos propor xa dúas obras para ler aproveitando que ven o nadal e se cadra temos algún tempo mais libre para desfrutar da lectura e do cine.
 En primeiro lugar escollemos a obra Todo é silencio , de Manuel Rivas, publicada no 2010 e levada ao cine por José Luis Cuerda no 2012.
 Xa temos algún exemplar na biblioteca do centro así que non dubidedes en vir collelo. Ainda non fixamos a data de reunión pero será probablemente no mes de xaneiro.


A segunda obra será Matar un ruiseñor de Harper Lee. Neste caso foi a película protagonizada por Gregory Peck en 1962 a que nos axudou a escoller a novela. Esta obra publicada en 1960 cuxo título orixinal é To kill a Mockingbird foi premiada co Pulitzer e acadou unha grande sona converténdose nun clásico da literatura americana.
A xuntanza para falar desta obra será probablemente a finais de febreiro ou principios de marzo




9/12/13

Descubrimos Persépole

Hoxe, despois de rematar as clases da tarde, xuntámonos o grupo III do club de lectura para falar do libro  que limos desta volta. Houbo quen o leu en francés, houbo quen o fixo en galego e quen o fixo en castelán tamén. Estas son as tres edicións que temos na biblioteca do centro e na foto podedes ver as súas diferentes capas.
Foi, en xeral , unha lectura ben acollida a pesares de que para algunha de nós era o primeiro encontro coa banda deseñada dende que abandonamos a Mortadelo e Filemón. Todas concordamos no ben contada que está a historia e na forza  que adquiren as palabras ao apoialas nos sinxelos e expresivos debuxos en branco e negro. Unha visión da historia dun pais en primeira persoa que nos amosa cousas descoñecidas para case todas sobre a cultura e historia  iraní . Algúns dos feitos relatados, coma a revolución islámica ou o ataque de Irak a Irán, fíxonos recuperar lembranzas de como nós vivimos estes acontecementos. Grazas á visión tan humana de presentarnos a historia poidemos reflexionar sobre moitos aspectos socio-políticos do mundo islámico e occidental.
Case todas vimos ademáis o filme que si ben non conta todo o recollido no libro consegue relatar dun xeito bastante fiel a historia tendo ademáis un bó ritmo e unha animación moi ben conseguida.
E xa como o día escapaba e a xeada ameazaba demos por rematada a sesión non sen antes fixar dúas novas lecturas. Pero isto será algo do que vos falaremos noutra publicación...

29/11/13

PERSÉPOLIS AGÁRDANOS...

 Bo día benqueridas e benqueridos lectores!!!
A seguinte obra proposta para o club de lectura de adultos é o cómic en branco e negro de Marjane Satrapi titulado "Persépolis". Trátase dunha obra autobiográfica na que a autora relata a súa vivencia primeiro nun réxime fundamentalista islámico e máis tarde en occidente.
Este cómic foi levado ao cine no 2007 sendo nominada a diversos premios e recibindo entre outros o Premio do xurado de Cannes. Podedes ver a película a través de este enlace (filme persépolis).
Na biblioteca contamos cun exemplar da banda deseñada en galego, outro en castelán e outro en francés, língua orixinal da obra.
Para debater sobre esta nova lectura quedamos o vindeiro 9 de decembro as 4.15 na biblioteca do centro. Ogallá  vos animedes moit@s a vir!!!! (

O GRUPO III XA ESTÁ EN MARCHA...

Hoxe xoves xuntámonos o grupo de adultos  par a compartir as nosas opinións sobre o relato " Los muertos" incluido no libro Dublineses de James Joyce.
Para algunha este era o primeiro achegamento á obra de James Joyce, para outras un momento para volver pensar sobre o lido xa no pasado.
O certo é que a ningunha nos deixou indiferentes. Puidemos ademáis ver como este relato foi fielmente levado ao cine por John Huston, sabendo transmitir as mesmas sensacións ca lectura e engadindo certos elementos que nos achegan un pouco mais á figura de James Joyce.
Agora xa estamos preparadas para lanzarnos á seguinte lectura....alguén se anima?
Bicos de letras