11/12/13

XA TEMOS NOVOS TÍTULOS ...

No grupo de adultos decidimos propor xa dúas obras para ler aproveitando que ven o nadal e se cadra temos algún tempo mais libre para desfrutar da lectura e do cine.
 En primeiro lugar escollemos a obra Todo é silencio , de Manuel Rivas, publicada no 2010 e levada ao cine por José Luis Cuerda no 2012.
 Xa temos algún exemplar na biblioteca do centro así que non dubidedes en vir collelo. Ainda non fixamos a data de reunión pero será probablemente no mes de xaneiro.


A segunda obra será Matar un ruiseñor de Harper Lee. Neste caso foi a película protagonizada por Gregory Peck en 1962 a que nos axudou a escoller a novela. Esta obra publicada en 1960 cuxo título orixinal é To kill a Mockingbird foi premiada co Pulitzer e acadou unha grande sona converténdose nun clásico da literatura americana.
A xuntanza para falar desta obra será probablemente a finais de febreiro ou principios de marzo




9/12/13

Descubrimos Persépole

Hoxe, despois de rematar as clases da tarde, xuntámonos o grupo III do club de lectura para falar do libro  que limos desta volta. Houbo quen o leu en francés, houbo quen o fixo en galego e quen o fixo en castelán tamén. Estas son as tres edicións que temos na biblioteca do centro e na foto podedes ver as súas diferentes capas.
Foi, en xeral , unha lectura ben acollida a pesares de que para algunha de nós era o primeiro encontro coa banda deseñada dende que abandonamos a Mortadelo e Filemón. Todas concordamos no ben contada que está a historia e na forza  que adquiren as palabras ao apoialas nos sinxelos e expresivos debuxos en branco e negro. Unha visión da historia dun pais en primeira persoa que nos amosa cousas descoñecidas para case todas sobre a cultura e historia  iraní . Algúns dos feitos relatados, coma a revolución islámica ou o ataque de Irak a Irán, fíxonos recuperar lembranzas de como nós vivimos estes acontecementos. Grazas á visión tan humana de presentarnos a historia poidemos reflexionar sobre moitos aspectos socio-políticos do mundo islámico e occidental.
Case todas vimos ademáis o filme que si ben non conta todo o recollido no libro consegue relatar dun xeito bastante fiel a historia tendo ademáis un bó ritmo e unha animación moi ben conseguida.
E xa como o día escapaba e a xeada ameazaba demos por rematada a sesión non sen antes fixar dúas novas lecturas. Pero isto será algo do que vos falaremos noutra publicación...

29/11/13

PERSÉPOLIS AGÁRDANOS...

 Bo día benqueridas e benqueridos lectores!!!
A seguinte obra proposta para o club de lectura de adultos é o cómic en branco e negro de Marjane Satrapi titulado "Persépolis". Trátase dunha obra autobiográfica na que a autora relata a súa vivencia primeiro nun réxime fundamentalista islámico e máis tarde en occidente.
Este cómic foi levado ao cine no 2007 sendo nominada a diversos premios e recibindo entre outros o Premio do xurado de Cannes. Podedes ver a película a través de este enlace (filme persépolis).
Na biblioteca contamos cun exemplar da banda deseñada en galego, outro en castelán e outro en francés, língua orixinal da obra.
Para debater sobre esta nova lectura quedamos o vindeiro 9 de decembro as 4.15 na biblioteca do centro. Ogallá  vos animedes moit@s a vir!!!! (

O GRUPO III XA ESTÁ EN MARCHA...

Hoxe xoves xuntámonos o grupo de adultos  par a compartir as nosas opinións sobre o relato " Los muertos" incluido no libro Dublineses de James Joyce.
Para algunha este era o primeiro achegamento á obra de James Joyce, para outras un momento para volver pensar sobre o lido xa no pasado.
O certo é que a ningunha nos deixou indiferentes. Puidemos ademáis ver como este relato foi fielmente levado ao cine por John Huston, sabendo transmitir as mesmas sensacións ca lectura e engadindo certos elementos que nos achegan un pouco mais á figura de James Joyce.
Agora xa estamos preparadas para lanzarnos á seguinte lectura....alguén se anima?
Bicos de letras

27/11/13

A HISTORIA DE NOAH...

O pasado venres 15 de novembro xuntámonos na biblioteca para compartir o inicio  da obra de Nicholas Sparks, "El cuaderno de Noah". Acudiron o alumnado de 3º e 4º de ESO e algúns máis de 2º que escolleron esta obra como lectura para este trimestre.

A sensibilidade de Noah chegounos moi fondo e xa estamos intrigadas en saber cal é a historia que encerra o seu caderno...

Por fin  temos no centro a película para quen quera vela.
Un saúdo entre libros e ate pronto queridos e queridas lector@s!!

13/11/13

PRIMEIRA LECTURA. GRUPO II

 Xa temos a data para realizar a primeira lectura compartida co segundo grupo de alumnado. Trátase de algunhas compañeiras de 2º de ESO que elixiron ler esta obra mais as compañeiras de 3º e 4º de ESO.
 Imos comezar ca lectura en grupo do primeiro capítulo do "Caderno de Noah" de Nicholas Sparks, para iso vémonos o vindeiro venres 15 de novembro durante o recreo na  biblioteca.

Este libro foi levado ao cine no 2004 polo director Nick Cassavettes e baixo o título en español de " El diario de Noah".

Xa nos tarda adentrarnos nas páxinas dese diario que semella estar cheo de sentimentos ben fondos...
Lembrade acudir á xuntanza co voso carné do club de lectura!


Ata pronto benquerid@s lectores e lectoras!!!!

11/11/13

COMEZOU A HISTORIA INTERMINABLE...

 Deste libro xigantesco sairon as copias do primeiro capítulo da Historia Interminable. Fixemos unha lectura compartida durante o recreo do xoves cousa que despertou curiosidade no resto das compañeiras. Xa empezamos a coller os exemplares que tiñamos na biblioteca e mais os que nos trouxeron do IES Lama das Quendas de Chantada e o IES de Quiroga. Grazas compañeiras!! Ademáis para os que ainda non temos exemplar e non podemos aguantar as ganas de saber o que lle vai pasar agora a Bastian está o libro en formato .pdf.
Pasamos un rato moi entretido no que mais da metade dos que alí estabamos limos en voz alta para compartir o principio deste libro que parece que nos vai enganchar.
Ademáis nesta sesión entregóusenos o carné do club de lectura que teremos que ir selando en cada xuntanza e será o que nos permita facer a viaxe literaria no terceiro trimestre.

7/11/13

LIBROS QUE MARCHAN...

pero que voltarán!!!

Estes libros marchan para Chantada para o IES Lama das Quendas onde teñen un numerosísimo club de lectura de alumnado e de adultos.
Ogallá que disfruten moito da lectura!!!

Ate pronto queridos lectores !
Ate pronto queridas lectoras!

4/11/13

PRIMEIRA LECTURA. GRUPO I

Tamén o alumnado empeza a aventura da lectura!!  Nesta ocasión, o grupo de 6º de primaria e 1º e 2º de ESO, farémolo cunha obra fantástica na que nos mergullaremos da man do seu protagonista, un rapaz apaixoado pola lectura, nun mundo máxico cheo de sorpresas e  emocións.

O vindeiro xoves 7 de novembro vémonos todas e todos na biblioteca para iniciar esta andaina coa lectura en común do primeiro capítulo.

Estade atent@s ao blog xa que próximamente informarémosvos da data e horario na que  se fará o pase do filme no centro.

Ata pronto e feliz lectura!!!

21/10/13

COMEZA A AVENTURA...

Con James Joyce comezaremos a andaina "cinéfilo-literaria" o grupo de adultos do club de lectura de Guntín.
Leremos o relato "Los muertos" ( The Dead) incluído na obra Dublineses (Dubliners, 1914).
Dito relato foi levado á gran pantalla polo director Jhon Huston en 1987.
Faremos a primeira xuntanza na semana do 11 ao 15 de novembro para intercambiar impresións sobre o que limos e o que vimos.
Se vos animades a ler o relato deixamos aquí dous enlaces onde o podedes atopar, un está en inglés e outro en castelán:

THE DEAD

LOS MUERTOS

Próximamente tamén teremos na biblioteca o filme para que o podades ver na casa.


11/10/13

CLUB DE LECTURA 2013-2014

Ola a todas e todos !!!
Aquí estamos un curso mais con ganas de ler e de compartir con vós as emocións que a lectura nos provoca.
Este ano adicaremos todas as nosas lecturas a obras que fosen levadas á gran pantalla. Coma todos os anos teremos o grupo de lectura do alumnado e o grupo de lectura de adultos no que poderá participar toda a comunidade educativa.
Como novidade para este curso  participarán no club o alumnado de 6º de primaria, BENVID@S!!!! Ímolo pasar de cine!!!!

4/6/13

Viaxe dos membros do Club

Na casa de Rosalía de Castro en Padrón
Coma en anos anteriores, os membros habituais do noso Club de lectura fixemos unha viaxe que neste caso foi a Padrón e a Santiago.
En Padrón, primeira visita do día, vimos a casa da poeta Rosalía de Castro. Alí tamén nos xuntamos cos membros do Club de Lectura do IES de Quiroga cos que fixemos a visita. Fóra da casa da Matanza fixemos diversas actividades por grupos nas que nos xuntamos os membros de ambos Clubs de lectura.

Xa con ganas de xantar, dirixímonos ao Comedor Universitario do Monte da Condesa, onde xantamos no restaurante de auto-servizo. A continuación e a pé, fomos desde o Campus Sur ata a Catedral de Santiago. Na Alameda sacámonos unha serie de fotos con Valle-Inclán e mais coas Marías.

Ao chegar á catedral demos unha volta vendo as diversas portas e prazas que a rodean: as Praterías, Azabachería, a Porta Santa e, como non, a Praza do Obradoiro.
Na catedral unhas guías dividíronnos en dous grupos que nos foron explicando como fora feita e os seus rasgos principais: as diferentes representacións do Apóstolo Santiago, a valor do monumento, a utilidade da tribuna arredor do edificio, etc. Seguidamente subimos ata as cubertas, explicáronnos como era a estrutura do edificio, vimos as vistas da cidade desde esa perspectiva e percorremos as distintas naves de que consta.
Finalmente, collemos o autobús e volvemos ata Guntín despois de parar brevemente nun centro comercial.


8/5/13

Reunión do Club de lectura: Mujercitas de Louisa May Alcott

O mércores tivemos unha reunión do grupo de lectura de textos longos no que comentamos a última obra que lemos, Mujercitas, de Louisa May Alcott. Esta novela gustou bastante a case todo o alumnado e nela puidemos ver moitos aspectos dos Estados Unidos no século XIX, na época da Guerra Civil.

Os personaxes son diferentes entre si e varias das asistentes comentaron que se identificaran con Jo, a través de quen vemos a narración do texto.

En conxunto foi unha novela que gustou bastante a todos os lectores que a remataron.

24/4/13

Reunión para ler "Comuñón" de Miguelanxo Murado

Hoxe reunímonos na biblioteca para comentar o relato de Miguelanxo Murado titulado "Comuñón". Este relato está incluído no seu libro Mércores de cinza. Lémolo na propia sesión e en xeral gustounos bastante aínda que a temática é triste e bastante profunda.

23/4/13

Feliz día do libro

Feliz día a todos os que gozades co pracer da lectura.

Feliz día e boas lecturas.

17/4/13

Próximos libros e reunións

Nas últimas reunións acordamos que os próximos libros a ler fosen:
grupo de adultos:

  • Thoreau: Desobediencia civil
  • Hessel: Indignaos

grupo de alumnado ESO:

  • Miguelanxo Murado: Comuñón
  • Louisa May Alcott: Mujercitas

Últimas reunións

A semana pasada o grupo de adultos reunímonos para comentar a obra de Ernest Hemingway, O vello e o mar, novela que nos gustou bastante a todos os asistentes.

Hoxe, en cambio reunímonos para comentar, no grupo de ESO, o libro de Fernando Savater, Ética para Amador. Aínda que non todos os asistentes remataran de ler o libro, a impresión xeral foi boa. Coincidimos en que é un tipo de obra moi diferente ao que é ler unha novela.

21/3/13

Próximas reunións

Día internacional da poesía

Hoxe, día internacional da poesía, estamos de festa todos aqueles aos que lles gusta este xénero literario.
Mañá teremos os actos nos que o alumnado do centro compartirá a selección de poesías que ten preparado tanto en lingua galega, castelán e inglés

20/3/13

Lectura de "Aurora"

 Na sesión de hoxe do Club de Lectura falamos de Aurora, o relato de Xosé Neira Vilas.

Gustounos pola súa lingua sinxela, próxima á nosa e mais pola temática rural dos nenos que van aos niños.

13/3/13

Charla de Xabier P. Docampo

No día de hoxe recibimos a visita de Xabier P. Docampo ao noso centro. Na súa charla falounos da importancia da literatura na nosa vida, de como só a través deste medio podemos chegar a coñecer o mundo. Tamén nos dixo que os lectores máis asiduos son as persoas que mellor coñecen o mundo, razón pola que os réximes que queren impoñer a súa ideoloxía sempre procuran limitar o acceso aos libros, pois permiten chegar a crear interpretacións diferentes do mundo.

Finalmente animounos a ler boa literatura e falounos de obras que o marcaron a el como A illa do tesouro de Stevenson ou Crime e castigo de Dostoievski.

8/3/13

Próximos libros a ler

Os próximos libros que imos ler dentro das actividades do Club de Lectura da ESO son Ética para Amador de Fernando Savater e Mujercitas de Louisa May Alcott.

Deste último hay exemplares en castelán e inglés.

Aqueles que ledes relatos e obriñas máis curtas estamos escollendo un relato que vos poida gustar. Polo tanto xa vos avisaremos en canto teñamos a obra e mais a data da reunión.

Respecto ao grupo de adultos estamos a ler a novela breve de Ernest Hemingway, O vello e o mar. 

27/2/13

La prisionera de Eduardo Zúñiga

Mañá na sesión de lectura presencial leremos e comentaremos o seguinte texto de Juan Eduardo Zúñiga:


Juan Eduardo ZÚÑIGA: La prisionera

Estoy en el jardín de un antiguo palacio que no sé de quién fue ni cuál es hoy su dueño. La tarde es húmeda, y otoñal el ocaso; en el blando suelo las hojas mueren adheridas al barro. No hace viento, no oigo ningún ruido entre los árboles que forman paseos en los que mudas estatuas, sobre pedestales de hiedra, alzan su desnudez. 
Quisiera recorrer este extraño jardín, pero estoy quieto. Nadie lo visita, nadie hace crujir el puentecillo de madera sobre el constante arroyo. Nadie se apoya en las balaustradas del parterre ante la fila de bustos que la intemperie enmascaró con manchas verdinegras. 
Estoy ante la gran fachada cubierta de ventanas que termina en altas chimeneas sobre el oscuro alero del tejado. Todo en ella muestra haber sufrido los ataques del tiempo pero estos rigores no dañaron a la única ventana que yo miro. Cada día, tras los cristales, aparece ella, su delicada silueta, y aparta la cortina de tul y largamente pasea su mirada por los senderos que se alejan hacia el río. Vestida de color violeta, siempre seria, eternamente bella, conserva su rostro juvenil, su gesto de candor, atenta a la llegada de alguien que ella espera. Inmóvil, tras el cristal, no habla, no muestra si acepta mi presencia, acaso no me ve. Resignada se dobla mi cabeza sobre el hombro mordido por las lluvias; desearía que sus dedos me rozasen antes de que su mano se haga transparencia. Desfallece mi cabeza enamorada; tras mis ojos vacíos atesoré palabras y palabras de amor dedicadas a ella. Acaso un día logren mover mis labios de durísima piedra.

24/2/13

Día de Rosalía

Lembrámosvos a todos que hoxe conmemoramos o chamado Día de Rosalía pois un 24 de febreiro coma hoxe pero en 1863, é dicir hai 150 anos, publicouse o primeiro libro de esta autora en galego, Cantares Gallegos, obra que iniciará o Rexurdimento literario galego.

É, como non, unha boa data para achegarmonos á obra desta autora tan sinalada dentro do que son as letras na nosa lingua.

21/2/13

Próximos libros e reunións

Nas vindeiras semanas temos previstas diversas lecturas para os nosos grupos:
  • La sonrisa etrusca de José Luis Sampedro, dentro do grupo de adultos
  • Ética para Amador de Fernando Savater, para o grupo de lectores de libros longos de ESO
  • La prisionera de Juan Eduardo Zúñiga, para o grupo de lectores de relatos breves de ESO
Respecto ás datas das reunións serían as seguintes:
  • xoves 28 de febreiro para La sonrisa etrusca
  • venres 1 de marzo para La prisionera
  • mércores 20 de marzo para Ética para Amador


Agardamos que vos gusten as lecturas.

9/2/13

Reunión sobre Febre de Héctor Carré

O venres pasado reunímonos unha vez máis na biblioteca aqueles que gustamos de ler libros máis longos e comentamos a novela de Héctor Carré, Febre, na que o autor conta unha historia ambientada no medio da febre do wolframio coa Segunda Guerra Mundial de fondo. 
A protagonista feminina realiza un complexo percorrido desde unha vida doada ata a súa inmersión na febre por mercar wolframio a un prezo crecente cada día, con vistas a facer cartos para financiar o seu proxecto dunha escola para mulleres desfavorecidas.
O libro gustounos globalmente aínda que algúns de nós comentamos que era difícil o feito de que non fose unha historia lineal, a cantidade de personaxes, ou a complexa situación histórica de fondo.
Tamén comentamos un bo número de personaxes pola súa particularidade ou polo imprevisible do seu papel dentro da trama.

2/2/13

Reunión sobre A lingua das bolboretas de Manuel Rivas

O pasado venres día 1 reunímonos na biblioteca para falar do relato de Manuel Rivas "A lingua das bolboretas" incluído no seu libro ¿Que me queres, amor?

En conxunto a todos os que o rematamos gustounos moito e comentamos diversos aspectos do mesmo, o estilo, a mentalidade da época, a forma na que a xente cambia as súas ideas para parecer respectable ante a sociedade e, sobre todo, a forma de ensinar do mestre.

17/1/13

Reunión sobre De Profundis


Onte reunímonos no grupo de adultos para comentar a obra de Miguelanxo Prado, De Profundis, obra que gustou moito a varios membros do Club pero non así a outros, aos que non lles chegou tanto o ambiente fantástico que desenvolve a obra.


Nesta mesma reunión fixamos as próximas lecturas do grupo de adultos:

  • La sonrisa etrusca de José Luis Sampedro 
  • O vello e o mar de Ernest Hemingway