Memoria-resumo de actividades do curso 2022-23 e lecturas propostas ou pendentes de reunión.

Na memoria , ademáis do resumo das actividades levadas a cabo no curso 2022-2023:

- Reunións mensuais por grupos de lectores para comentar os libros lidos.

- Asistencia ao centro ás reunións para comentar os seus libros os escritores:

    Marisa Castro Cerceda pola novela: "A saga das curandeiras"

    Xosé Luís Vázquez Somoza pola novela."O conserxe"

-Saída á Residencia de maiores de Guntín para compartir contos de Álvaro Cunqueiro cos residentes.

- Saída cultural a Mondoñedo (museo da imprenta, casa-museo de Álvaro Cunqueiro, centro de interpretación do Camiño Norte), faro e Illa Pancha e xantar-convivencia, achegouse a listaxe dedas lecturas tratadas.

EDUCACIÓN PRIMARIA

Título	Autor/a	Editorial	Idioma
Fideliño o carteiro	Heidi Kun-Bode	Bruño	Galego
Ti non xogas	Silvestre Gómez Xurxo	Merlín	Galego
Bruxa e familia	Paula Carballeira	Oqueleo	Galego
A idade de cristal	Lita Rivas	Everest Galicia	Galego
O agasallo de Anya	Sabela Núñez Singala	Árbore Galaxia	Galego
Maxia de pedra	Alba De Evan & Xavier Domínguez	Xerais	Galego
Conta nove estrelas	Andrea Maceiras	Xerais	Galego
Xelís, o guieiro das botellas de mar	Rosa Aneiros	Xerais	Galego
El club de los especiales	Jordi Sierra I Fabra	Anaya	Castelán
Jamalají- Jamalajá	Jordi Sierra I Fabra	SIF	Castelán
La casa del tejado rojo	Mónica Rodríguez	Anaya	Castelán
Dos lágrimas por Máquina	Fina Casalderrey	Anaya	Castelán
Mi año	Taniguchi-Morvan	Ponent Mon	Castelán

EDUCACIÓN SECUNDARIA

Título	Autor/a	Editorial	Idioma
O conserxe	José Luís Vázquez Somoza	Xerais	Galego
A saga das curandeiras	Marisa Castro Cerceda	Hércules	Galego
Os nenos da varíola	María Solar	Galaxia	Galego
Cartas de inverno	Agustín Fernández Paz	Galaxia	Galego
Sidi, unha viaxe cara á vida	Lino Braxe	Hércules	Galego
A avoa ganster	David Walliams	Sushi Books	Galego
Escolma:Escola de menciñeiros/Os outros feirantes/Xente de acolá	Álvaro Cunqueiro	Xerais	Galego
E Xoel aprendeu a voar	Marica Campo	Obradoiro	Galego
El señor del cero	María Isabel Molina	Loqueleo	Castelán
113 cosas que hacer antes de los 13	VV. AA.	Alfaguara	Castelán
El asesinato de  profesora de lengua	Jordi  Sierra I Fabra	Anaya	Castelán
3l 4s3sin4to prof3sor  m4t3m4tic4s	Jordi Sierra I Fabra	Anaya	Castelán
El rostro de la sombra	Alfredo Gómez Sardá	SM	Castelán
All About the USA	VV.AA.	Burlington	Inglés

 

GRUPO ADULTOS

Título	Autor/a	Editorial	Idioma
A saga das curandeiras	Marisa Castro Cerceda	Hércules	Galego
Beleza Vermella	Arantxa Portabales	Galaxia	Galego
As malas mulleres	Marilar Aleixandre	Galaxia	Galego
Senlleiras	Antía Yáñez Rodríguez	Galaxia	Galego
A vida secreta de Úrsula Bas	Arantxa Portabales	Galaxia	Galego
O home que matou a A.  Morgade	Arantxa Portabales	Galaxia	Galego
Los enamoramientos	Javier Marías	Debolsillo	Castelán
La isla del árbol perdido	Elif Shafak	Lumen	Castelán
El fundamentalista reticente	Moshin Hamid	Tusquets	Castelán
Miss Merkel. El caso de la canciller jubilada	David Safier	Seix Barral	Castelán
Lo que la marea esconde	María Oruña	Destino	Castelán

 O grupo de Adultos comprometeuse a intercambiar os seguintes títulos para valorar como lecturas do próximo curso: “Bailaré sobre mi tumba”, “La uruguaya”, “V 13 ”, “Recuerdo de un jardinero inglés”,”  Los muertos también gritan”...

Convivencia de fin de curso do grupo de adultos

O día 22 de xuño os membros do grupo de adultos, xuntámonos para disfrutar dun xantar-convivencia de fin de curso. Ademáis de compartir as nosas inquedanzas, expuxemos as nosas opinións dos libros : "O home que matou a Antía Morgade" de Arantxa Portabales e  "Miss Merkel. El caso de la canciller jubilada" de David Safier.

"O home que matou a Antía Morgade" cosechou unha mala e unánime crítica de todas as lectoras; pouco creíble a trama, demasiadas mortes e un final previsto, sen intriga que te impulse a ler.

"Miss Merkel.." presenta fácil lectura, con párrafos humorísticos que convidan a atopar  aventurillas de ex-presidenta xubilada pero con habilidades policíacas.

Cada quen expuxo títulos para compartir no próximo curso e que poidamos adiantar nas vacacións. Suxestións: - V13 -  Bailaré sobre mi tumba - La uruguaya - O derradeiro libro de Enma Olsen. 

Escolma de contos de Álvaro Cunqueiro na Residencia San Salvador, lidos por alumnado do Club de lectura de 2º de ESO

Aproveitando que na viaxe cultural deste curso visitamos a casa-museo de Álvaro Cunqueiro en Mondoñedo, os alumnos de 2º de ESO, informáronse sobre as  obras literarias deste escritor. 

Toda vez que a temática deses tres libros que presentamos relatan vivencias que os nosos maiores ben puideron ter vivido, gestionamos a posibilidade de ir á residencia San Salvador de Guntín e ler algúns dos contos máis chocantes.

Seleccionados os contos de cada un dos libros, alumnos/as voluntarias/os de 2º de ESO, brindáronse a compartilos cos residentes. A pesar das dificultades de sonido, uso de máscaras e distancias por ser un grupo ben numeroso de asistentes, resultou unha lectura ben proveitosa e gratificante tanto para o alumnado como para os asistentes á lectura.

Os residentes estiveron moi atentos á exposición e pasárono ben, pero os alumnos/as a pesar de estar un tanto nerviosos, leron o previsto e de volta na clase, expresaron a preocupación pola vida e situación dos residentes; serviulles para reflexionar e valorar os privilexios da súa xuventude e situación social e económica da que dispoñen.

 

Lectores de 5º de EP, entusiásmanse con: "Maxia de pedra" e "Mi año"

 Analizaron pormenorizadamente o cómic "Mi año" e e o libro "Maxia de Pedra". "Mi año" fixo aflorar de empatía coa  protagonista xa que todos nalgún momento nos sentimos diferentes e tivemos que aprender a xestionar  as emocións que ese feito conleva.

 O libro "Maxia de Pedra" deunos pé a falar dos restos arqueolóxicos e a súa conservación e dos seres imaxinarios que a maioría creamos cando somos pequenos e como eses seres nos fixeron e nos fan compañía moitas veces.

 Dous libros moi valorados tamén polas súas ilustracións, sobre todo no primeiro caso.

 

O alumnado de 1º de ESO, con diversos acertixos, tentaron "asesinar" ás profesoras de Lengua e Matematicas.

Moito lles fixo pensar cada proba, adiviña, sopa de letras, acertixo, encrucillado... para ir contentando aos profesores e non ser asesinado ninguén, e o máis importante: aprobar as materias mediante xogos, empregando a imaxinación, xogando  e aprendendo!

A maioría dos lectores confesan terse divertido e involucrado na resolución dos enigmas.

Coinciden tamén en que debe ser un libro lido por tódolos alumnos/as que teñan dificultades para aprobar as matemáticas e a lengua porque aprenderán moitos "trucos" ben útiles e fáciles de resolver.

Na reunión, foron expoñendo os trucos que máis lles gustaron, e con eles elaboramos un mural para convidar ao resto de compañeiros a solucionalos.