Moito mérito completar o curso 20/21 lendo e compartindo emocións!

 Entregad@s á lectura o alumnado de 6ª e 5º de EP presentan as súas derradeiras lecturas:

 

Las fieras fútbol club
Cada alumn@ escolleu un exemplar desta colección, de xeito que o tiñan ao seu dispor sen preocupación de datas de intercambio. A escolla foi directa según as preferencias ou pola presentación do propio libro.

Cada quen opinou dos actos, actitudes, dos valores que descubriu e tratamos de cotexar se a colección seguía a mesma liña. Concretaron que non hai discriminación de sexo, raza nin poder social ou económico entre os diferentes protagonistas.

Recomendan a súa lectura pero para o verán quixeron escoller .exemplares de distinta colección.

Manolito Gafotas - Ás de mosca para Anxo

Dous libros moi apreciados polos alumnos de 5º EP

Manolito Gafotas, todo un clásico, encantoulles e deunos pé para analizar as relacións e os vínculos familiares, os motes e si son inofensivos ou non, que sucede cando chega alumnado novo o noso centro...

No caso do libro de Fina Casalderrey analizamos o sentido figurado de distintas palabras, de como era a protagonista, da solidariedade, da desaparición de Estrela, o debuxo do bico de Estrela...