"MEA CULPA", Toño Núñez e Lectores do grupo de Adultos

 Toño Núñez revive a seu paso por este centro educativo como mestre de EI, e reitera o agradecemento  por telo convidado como autor do libro escollido para esta sesión.

Ana Arias fai unha completa presentación da súa labor cultural e sempre en defensa do galego. El mesmo amósase convencido do incremento de galegofalantes polo compromiso que a xuventude está tendo hacia a nosa lingua.

En canto a "Mea culpa", coincidimos na facilidade da súa lectura tanto pola extensión dos relatos como  polos temas tratados , tan de actualidade: diferencia de clases, os amores primeiros, a soedade, a morte, a autoritarismo, o machismo...

Anque se presenta maiormente autobiográfico, relata acontecementos ben coñecidos por todas , e cremos que se deben publicitar para que non se esquezan, é a nosa historia..!

Toño Núñez, escolle relatos do seu libro "MEA CULPA" para comentar cos Lectores de 3º e 4º de ESO

 

Toño Núñez, valora determinados relatos deste libro para ser comentados polos Lectores de 3º de ESO, e tres alumnas de 4º que amosaron especial interés por coñecer a súa literatura.

Recoñecen que lles queda lonxe o devir dos acontecementos expostos polas formas, pero están interesados por coñecer o que e como o viviron os seus pais/nais, avós/avoas... Tamén están intrigados por coñecer ata que punto son autobiográficos os acontecementos descritos.

Valoran positivamente a forma de presentalos, e os temas tratados, actuais e propios da súa idade.

"A GOTIÑA VIAXEIRA" escenificada polo seu autor Toño Núñez e a música de Luís Iglesias

Hoxe , aproveitando a visita de Toño Núñez para debatir sobre o libro "Mea culpa" co grupo de Lectores adultos e de 3º de ESO, convidámolo a recordar a súa estadía como mestre de EI neste centro.

Gustosamente decidiu presentarnos, e escenificar o seu exitoso libro para pequenos lectores: " A gotiña viaxeira". Participou o alumnado de 6 de EI e o de 1º e 2º de EP.

Como podedes comprobar no video, foi todo un éxito.

Toño preparou pareados moi graciosos para agradecer ao profesorado, e en especial ao Club de Lectura, o convite e presentar a cada un dos asistentes.

 Acompañouno coa súa guitarra, Luís, mestre de música, que nos fixeron cantar, bailar e volvernos gotiñas nos distintos estados. Aprendemos sobre o valor da auga e o seu aproveitamento.

 

Lectores de 6º de EP, len, resumen e debaten sobre "O meu pesadelo favorito"

                                    

          Comenzaron os alumnos de 6º de EP, as lecturas, resumindo, tomando notas e expoñendo as súas opinións sobre "O meu pesadelo favorito"da escritora  e periodista galega , María Solar.

Como mostra do interese pola lectura, eí vedes a reprodución da portada do traballo sobre este libro. No resumo reflicten os temas que os engancharon: nenos orfos de nais, veterinario que receita a neno enfermo, soños fantásticos por mór da febre, biólogo que fai experimentos raros cas árbores  e cos animais , de xeito que nacen un dinorrinco e un hipodrilo. O máis relevante é cando chegan á sección de bicos que nunca se deran, e conseguen a tranquilidade dos protagonistas.

Estes lectores recomendan este libro  aos amantes das historias  fantásticas.

•