Saída cultural : visita guiada á Museo de Meirande, Illa de San Simón e teatralizada por Combarro.

Os corenta e tres alumnos que conseguiron ter polo menos seis selos no carnet do Club de Lectura recibido co compromiso asinado ao principio de curso, foron merecedores dunha extraordinaria viaxe cultural á Illa de San Simón e a Combarro, acompañados por cinco profesoras

Impresionados quedaron co Museo de Meirande, Centro de Interpretación da Batalla e Patrimonio Cultural de Rande, examinando os traxes, utensilios, barcos , armas...empregados nesa época.

Na Illa de San Simón, descubriron un entorno espectacular, aprenderon a historia dos residentes e uso dos edificios nas distintas épocas; especial mención tivo o uso como lazareto. As guías suministraban información reclamando o seu saber sobre o tema. Para rematar a visita, fixeron unha actividade de animación patearon a illa seguindo pistas para atopar a información.

A visita por Combarro centrouse no uso da pedra como símbolo de riqueza, a abundancia de hórreos e posición económica dos donos segun tamaño e materiais, e simboloxía dos cruceiros.

Destacar a viaxe en barco e disfrute da paisaxe durante todo o recorrido, así como a xornada de convivencia entre os lectores dos distintos grupos.