Alumnado de 5º de EP comparten vivencias da lectura: " La foto de los 10000 me gusta"

 

O alumnado de 5° de EP analiza e desfruta co debate do libro “La foto de los 10.000 me gusta” de Nando López.

Este libro  libro  gustou moito, tanto polo xénero literario empregado (teatro) como polos feitos que nel se relatan (uso das redes sociais).

Despois de falar sobre os aspectos máis técnicos do libro e sobre os protagonistas da obra e as súas preocupacións, centrámonos no debate sobre o uso dos móbiles e das redes sociais:

- idade adecuada para ter móbil

- idade mínima legal das distintas redes sociais

 - redes sociais que empregan

- aspectos positivos e negativos do anonimato nas redes… É un libro recomendable pola súa doada lectura e porque os acontecementos teñen interese para os rapaces e rapazas a partir dos dez anos.

"A saga das curandeiras" e "As malas mulleres", libros comentados polos membros do grupo de adultos.

Resaltamos a casi total participación  dos  membros inscritos neste grupo de adultos.

Coincidimos na boa eleción de títulos, a pesar de volver a ser as protagonistas as mulleres, e ben mal paradas nas dúas novelas.

"As malas mulleres" escrito por Marilar Aleixandre, deixounos moita información esquecida ou descoñecida sobre a moral e vida nos cárceres de mulleres, xa nos finais do século XIX, en concreto na de Coruña. Incidimos na inxusticia que se cometía polo simple feito de ser muller: "culpable de todo".

Valoramos tamén o papel das intermediarias, as visitadoras de cárceres; Concepción Arenal e Juana de Vega traballando a prol das excluídas e a recuperación da dignidade das persoas en xeral, así como o papel da lectura como medio para tal fin. 

 "A saga das curandeiras"  levounos á nosa infancia e aos relatos dos nosos antepasados; todas tiñamos alguén que vivíu ou coñeceu as actividades destas "médicas, compostoras, sanadoras..." e que inda hoxe, fan e se respecta a súa actividade.

Destacamos a perfecta exposición dese "traballo" metida nunha novela, con personaxes que identificamos como reais e que devecíamos por descubrir o que lles ía acontecer en cada momento. As datas tamén conmoven ao lector que o fan pór nesa coxuntura social, política e económica: a guerra!    O rigor científico amosado no relato dos usos das diferentes plantas é inmellorable.

Importante o respecto, valor, apoio e recurso final sempre, da familia, amizades e volta aos recunchos da infancia, en contraste coa afouteza da protagonista para que, mediante os estudios, a vida da filla sexa mellor.

  

 

" Os nenos da varíola" deleita e instrúe ao alumnado de 4ª e 3ª de ESO

 

Alumnos de 4º e 3º de ESO, cubriron unha ficha para refrescar datos da lectura do libro"Os nenos da varíola" e nela demostraron que aprenderon moita información da que non  oiran falar, e na que nunca se lles ocurriría pensar, a pesar de ter pasado recentemente unha pandemia, e que se  "controlou" grazas as vacinas descubertas para a ocasión.

Incidiron no método empregado, na eleción dos portadores, nas dificultades da longa viaxe , das pésimas condicións  que ían soportar e da descoñecida vida que  lles esperaba en América.

Outro tema descoñecido era a vida nos orfanatos e aproveitamos para reflexionar sobre os privilexios dos que desfrutamos en tódolos sentidos: familia, alimentación, educación, sanidade, e recursos varios.

Xurdíu tamén o recente recoñecemento da enfermeira a pesar de pasar tanto tempo e ter sido a máis implicada e perxudicada no traslado da vacina.

Por todo o debatido, a información exposta e porque ten unha linguaxe asequible e un formato en capítulos para ler en varias etapas,  aconsellan a lectura deste libro. 

"113 cosas que hacer antes de los 13 " analizadas polos alumnos/as de 1º de ESO

Os alumnos/as de 1º ESO, analizaron as 113 propostas individualmente e cada quen escolleu a que lle pareceu máis orixinal, simpática, inalcanzable, conquistadora... e así se elaborou a lista exposta.

Coinciden en que este libro debe ser persoal para poder ir completando as actividades realizadas, e que lles deu moitas ideas  para autoesixirse ao longo do ano, curso, etapa educativa... 
 

"El club de los especiales" e "Jamalají- Jamalajá", lidos polo alumnado de 6º de EP

Moita  imaxinación tivo derrochar o protagonista de Jamalají- Jamalajá para conseguir ver ao seu ídolo Bruce Springteen que actuaba na súa cidade e como os adultos non o entenden, en especial os pais, non lle deixan ir ao concerto. Localiza o hotel no que se aloxa e a partir dese momento todo son marabillosas aventuras. 

Recomendan esta lectura polas aventuras narradas.

Con "El club de los especiales" debatiron sobre a conveniencia de que os alumnos con altas capacidades deben integrarse nas aulas ordinarias ou ben xuntarse con compañeiros do seu nivel intelectual; o protagonista síntese mellor e iso é o que importa.

Con esta lectura aprenderon a valorar as diferenzas ente eles e a recoñecer que Todos somos especiales nalgunha disciplina e que teñen que respectar os comportamentos diferentes de Todo o alumnado.

 

Alumn@s de 5º de EP desmenuzan "O agasallo de Anya"

Dirixidos pola súa Titora, Belén de la Fuente, estes alumn@s de 5º de EP, fan unha análise polo miúdo do libro “O agasallo de Anya” tratando aspectos como a familia, a solidaridade e a emigración. Tamén conversan sobre a situación de Ucrania a raíz da fuga radiactiva de Chernóbil e da súa situación actual.

Recomendan a lectura deste libro por tratar eses temas citados tan de actualidade no noso entorno.

 

"Cartas de inverno" intrigan ao alumnado de 2º de ESO

Agustín Fernández Paz coas "Cartas de inverno" engaiolou aos alumnos de 2º de ESO de xeito que ademáis  de disfrutar coa lectura, deu pe a un distendido e proveitoso debate. Cada quen deu a opinión do contido e das actitudes dos tres/ catro personaxes principais pero o remate sería ben distinto para cada lector. 

Destacaron os enigmas galegos: supersticións, pantasmas e desconfianzas da xente que non contan o que saben da casa encantada para axudar ao novo propietario.

Non entenden a mala comunicación entre os dous amigos que están pendentes das cartas e cuxo contido se coñece no desenlace da obra.

Recomendan a lectura deste libro tanto pola intriga , tensión e ansia por atopar o final como pola facilidade da súa lectura.

 

"SENLLEIRAS" e "LOS ENAMORAMIENTOS", convocan ao grupo de lectores Adultos

Con masiva asistencia á convocatoria, adentrámonos no mundo de "Senlleiras" para denunciar unha vez máis a penosa situación das mulleres que non poden ou non se atreven a manifestar a súa situación de sometemento, humillación e incluso sufrimento físico. Ninguén merece ese tratamento!

Destacamos a alusión do desprecio hacia o sexo feminino reflectido nun libro cuxo autor é un renomeado médico.

As redes sociais mal usadas, a sociedade corrupta, a soidade, a violencia machista...son quenes de anular as mentes máis prodixiosas que poidamos imaxinar.

Alana, a protagonista , refuxiábase nos libros  como  única compaña, nun ambiente onde case ninguén sabía ler!

"Los enamoramientos", obra destacada de Javier Marías que nos aporta unha prosa moi retórica, con vocabulario e expresións moi selectos, de xeito que recomendamos lela con tempo e con lápiz e papel á man porque máis que unha novela, amosa ser unha contínua reflexión do amor , do estado do enamoramento , da morte e da impunidade de moitos actos.  

 A trama fai que a lectura te enganche ata o final, deleitándonos así coa  beleza da linguaxe empregada.