A avoa gángster

Hoxe tocou lectura de A avoa gángster, libro que estiveron lendo nas últimas semanas os alumnos e alumnas de 1º de ESO do noso club de lectura.

Coincidimos todos que é un libro no que custa chegar a saber como acaba pois a historia da avoa gángster é moi potente e verosímil. Tamén falamos desta avoa tan peculiar: peideira, con olor a repolo e con necesidade de maior atención, porque só conta coa presenza dos seus fillos cando a necesitan para algunha cousa.

Un libro interesante que nos fai desexar lerlle unha segunda parte, algo que esperamos ter na biblioteca proximamente pois hai outra novela do mesmo autor traducida na mesma colección máis recen
temente.

Reunión do grupo de familias

 Esta semana tivemos unha nova reunión do grupo de familias, reunión que tivemos que cambiar do mércores previsto ao xoves por motivos de axenda.

Esta novela, que nos fala do caso de acoso escolar de Isma, foi un pretexto perfecto para para poder falar sobre diversos casos reais de acoso escolar porque todas coincidimos no realista dos puntos de vista presentados na novela.

Tamén quedamos de vernos o luns 20 de abril cando a autora deste libro veña ao noso centro escolar para falarnos da xénese do libro.

La muy catastrófica visita al zoo

Acabamos de ler en 6º de educación primaria La muy catastrófica visita al zoo de Joël Dicker, unha novela que aúna perfectamente investigación con humor.

Quen anegaría a escola? Hai múltiples sospeitosos pero só un pode ser culpable e moitos son os que os estudantes da escola especial deberán considerar como candidatos a este delito.

Esta novela foi todo un éxito entre os lectores de 6º de primaria que non tiveron medo de enfrontarse a un libro para lectores adultos.

 

Lemos libros en inglés

Tocounos esta semana ler un libro en inglés dentro das actividades do noso Club de lectura: The Prince and the Pauper. Este libro graduado foi unha oportunidade para acceder a unha historia moi interesante así como para mellorar o noso coñecemento do inglés.

Nesta novela Mark Twain fálanos dalgo que nos pasa con frecuencia, que preferimos a vida dos demais á nosa propia, pois tendemos a pensar que é mellor pois non vemos os problemas que poden atopar os demais.

Honorata e a casa das palabras gardadas en 5º de educación primaria

 
En 5º de educación primaria reunímonos o día 11 de marzo para falar da nosa última lectura, Honorata e a casa das palabras gardadas.

Neste libro a gata Honorata pasa múltiples aventuras, desde unha chegada á vida desgrazada, a un viaxe trepidante polo río abaixo e ata a casa das palabras gardadas.

En todo este percorrido coñece a gatos don caracteres moi diferentes e aprende o valor das palabras e das historias.

Un libro moi entretido!

Lendo A agonía das folerpas

No club de lectura do profesorado lemos o día 10 de marzo A agonía das folerpas, a novela coa que Óscar Reboiras gañou en 2022 o Premio Novela Rural.

Un libro sólido, moi ben escrito, ambientado nun mundo rural no que tamén traballamos nós en Guntín, esta novela ten unha trama sólida, unha ambientación lograda e uns personaxes memorables. Os protagonistas están moi ben construídos e varias coincidimos no que nos gustara o personaxe de Fina, coas súas inseguridades e coa que tan fácil é identificarse.

Unha gran novela sobre a que atopamos moito do que falar.