Falamos tamén da escolla de reflectir a lingua real de Camariñas en lugar de acomodarse ao galego normativo, algo que pode resultar sorprendente pero que lle dá á obra maior realismo. Comentouse tamén a dificultade de poder facer unha tradución que estea á altura da obra orixinal.
Analizamos os diferentes perfís arredor do caso de acoso escolar sufrido por Ismael e falamos de con cales nos identificamos máis. Unha novela que gustou moito este curso.
Ás familias gustounos moito tamén pero a lectura foi moi diferente. Os temas que tratamos foron os seguintes:
Recentemente contamos coa visita de Raquel Fernández, autora de Contas de buxo e I'm Obélix ao noso club. A autora de Gondomar falou tanto co alumnado da ESO coma co grupo de profesorado e familias sobre o proceso de creación da súa novela, a súa traxectora como escritora, a forma na que os feitos reais vividos por ela inspiraron a novela e detalles de I'm Obélix, a novela que dela que lemos este curso escolar,
Foi moi grata a súa presencia e o que máis sorprendeu, sobre todo no grupo de alumnado foi o feito de que se dedique á cociña e non a algo aparentemente máis relacionado co mundo da escrita.
.jpg)
Coincidimos todos que é un libro no que custa chegar a saber como acaba pois a historia da avoa gángster é moi potente e verosímil. Tamén falamos desta avoa tan peculiar: peideira, con olor a repolo e con necesidade de maior atención, porque só conta coa presenza dos seus fillos cando a necesitan para algunha cousa.
Un libro interesante que nos fai desexar lerlle unha segunda parte, algo que esperamos ter na biblioteca proximamente pois hai outra novela do mesmo autor traducida na mesma colección máis recen
temente.
Esta novela, que nos fala do caso de acoso escolar de Isma, foi un pretexto perfecto para para poder falar sobre diversos casos reais de acoso escolar porque todas coincidimos no realista dos puntos de vista presentados na novela.
Tamén quedamos de vernos o luns 20 de abril cando a autora deste libro veña ao noso centro escolar para falarnos da xénese do libro.
.jpeg)
Quen anegaría a escola? Hai múltiples sospeitosos pero só un pode ser culpable e moitos son os que os estudantes da escola especial deberán considerar como candidatos a este delito.
Esta novela foi todo un éxito entre os lectores de 6º de primaria que non tiveron medo de enfrontarse a un libro para lectores adultos.
.jpeg)
Nesta novela Mark Twain fálanos dalgo que nos pasa con frecuencia, que preferimos a vida dos demais á nosa propia, pois tendemos a pensar que é mellor pois non vemos os problemas que poden atopar os demais.
Neste libro a gata Honorata pasa múltiples aventuras, desde unha chegada á vida desgrazada, a un viaxe trepidante polo río abaixo e ata a casa das palabras gardadas.
En todo este percorrido coñece a gatos don caracteres moi diferentes e aprende o valor das palabras e das historias.
Un libro moi entretido!
No club de lectura do profesorado lemos o día 10 de marzo A agonía das folerpas, a novela coa que Óscar Reboiras gañou en 2022 o Premio Novela Rural.
Un libro sólido, moi ben escrito, ambientado nun mundo rural no que tamén traballamos nós en Guntín, esta novela ten unha trama sólida, unha ambientación lograda e uns personaxes memorables. Os protagonistas están moi ben construídos e varias coincidimos no que nos gustara o personaxe de Fina, coas súas inseguridades e coa que tan fácil é identificarse.
Gustounos moito como está escrita, o ben que se mantén a intriga, o percorrido pola cidade de Vigo e, sobre todo, ese sentido do humor que aparece nos diálogos entre os dous investigadores, Leo Caldas e Rafael Estévez. Que gran parella de protagonistas!
Esta obra tratou sobre as múltiples caras do acoso escolar. A través de diferentes personaxes fomos vendo como afecta esta forma de acoso e o demoledora que é para os implicados.
Coincidimos todas no ben escrito que está esta novela, na que se relatan varias historias de amor e vida e a través das que podemos coñecer a situación actual na illa de Cuba, entre a emigración, a pobreza, a falta de liberdades e a desesperanza.
Con vistas a novas reunións acordamos que o calendario das vindeiras lecturas sexa o seguinte:
- martes 10 de marzo, A agonía das folerpas de Óscar Reboiras
- mércores 15 de abril, comentaremos os cómics, Arrugas, de Paco Roca e Adelina de Sandra Lodi
O primeiro libro, A agonía das folerpas, xa o lestes case todos. Os que non, avisade para pasarvos unha copia.
Dos comics, Arrugas e Adelina, temos só unha copia, polo que estaría ben que levarades o cómic e que o devolverades canto antes. Se vemos que chega así non mercamos máis exemplares. Hai unha copia de cada un deles e lense en moi pouco tempo os dous.
Finalmente, de La psicología del dinero hai unha copia pero mercaremos dúas máis e tampouco leva moito tempo lelo. A copia que hai xa se levou pero avísovos en canto estean as outras copias.
Nel Honorata é unha gata que nace cun futuro sombrío pero consegue sobrevivir e remata nun río no que coincide con gatos de diversas orixes e procedencias pasando apuros como para que Honorata chegue a perder unha das súas vidas.
Desois a acción continua cando chegan á Casa das palabras gardadas, onde aprenderán a importancia das palabras e dos libros.
Unha sucesión de aventuras con Honorata de protagonista.
Hoxe tivemos o pracer de contar no noso club de lectura do profesorado con María Quiroga, autora da novela Perder o norte, recentemente publicada en Galaxia tras gañar o Premio Illa Nova de 2025.
.jpeg)
Numerosas referencias a diferentes fontes, lugares, viaxes e experiencias; uns demos que entran e saen da narración e numerosos personaxes que van acompañando na viaxe, fan desta lectura unha experiencia con moitos elementos diferentes que nos acompañan ao longo de toda a narración.
Falounos María da elección da portada cunha versión dun cadro de Maruja Mallo a cargo de Ana Galvañ que acompaña moi ben ao texto, do proceso de escritura ao longo destes anos e da propia relación persoal que inspira o relatado na novela.
Finalmente, contestou as nosas preguntas e asinou os exemplares que tiñamos preparados.
.jpeg)
Dado que non tiñamos ningunha lectura prevista para hoxe, dedicámonos a ver que lecturas serían as elixidas para a vindeira reunión no mes de decembro. Finalmente leremos Os nenos da varíola de María Solar e publicado en Galaxia.
Animamos a outras familias (nais, pais, irmáns, avós...) a que se sumen a este grupo, pois tedes libros á vosa disposición na biblioteca do Centro.
En xeral gustounos moito a obra, que é breve pero intensa e sabe transmitir a tenrura que é tan necesaria nas nosas relacións persoais. Aproveitamos para falar de que todos temos situacións de algún xeito similares nos que estar agradecida é un plus e, en todo caso,
é unha forma de estar na vida.
Para a próxima reunión leremos a obra I'm Obélix de Raquel Fernández.
Nas últimas reunións acordamos que os próximos libros a ler fosen:
.jpg)
.jpg)
.jpg){kind=link}