Alumnos de 1º e 2º ESO tamén disfrutan lendo en inglés

 The Prince and the Pauper foi o libro escollido para este mes.

E atrevéronse a ler os bocadillos representativos de tan fermosa lectura.

Analizaron as diferencias sociais a través dos seus protagonistas que foron quenes de verse no papel do antagonista. Destacan as cualidades do Príncipe que ademáis de fermoso é boa persoa.

Os alumnos de 4º de ESO interésanse por USA

 Este mes seguimos coas lecturas en inglés e os alumnos de 4º de ESO, descobren o máis representativo deste país.

Coordinados por Ana Arias, a súa profesora de inglés, foron comentando o que máis lles chamou a atención e os datos que eles non coñecían antes de ler este libro.

Relacionan os datos novos cos xa coñecidos a través doutros medios, cine, televisión ...

Conflictos familiares que traspasan fronteiras vistos por alumnos de 1º de ESO

 @s alumn@s de 1º de ESO, leron  "El cuarto de las ratas"con tanta atención que  quedaron ansiosos por ter un final aberto. Tod@s   foron quenes de escribir e logo expór cadanseu final ben dispar. 

Ademáis relacionaron o tema do secuestro dun dos protagonistas coa invasión sobre Ucraína , manifestaron o sentir dese pobo e solidarizáronse con eles  copiando un texto do propio libro: " En el telediario estaban hablando de guerra, siempre la guerra en algún lugar del mundo.." e completando a bandeira con palabras de apoio e solidadiedade.

É  un título moi recomendable para estas idades porque pon de manifesto valores tan imprescindibles nesta sociedade de consumo como son o respecto ás persoas, verdade por encima de todo e solidaridade cos máis desfavorecidos.

Homenaxe a Rosalía de Castro

 Alumn@s de 1º de ESO , completamente involucrados neste Club de Lectura, quixeron homenaxear á nosa poetisa Rosalía de Castro , lendo, escollendo e recitando os seguintes poemas en Lingua castelá. 

Grupo de adultos lendo por triplicado: "Los ingratos"- "Azucre" - "Virtudes e misterios"

 O grupo de adultos reuníronse hoxe para comentar as lecturas escollidas na derradeira reunión.

"Los ingratos" foi moi valorada pola temática tratada, a vida das mestras de antaño, nas que moitos de nós temos recordos pola propia profesión. Destacamos a entrega e confianza mútua entre a protagonista e a coidadora dos fillos, beneficiándese mútuamente.

É unha novela de lectura áxil e recomendable.

Tanto en "Azucre" como en "Virtudes", tocan as penurias da emigración contadas pola propia vivencia dos protagonistas.

Azucre é demasiado rápida e deslabazados os acontecementos. Nótase pouca documentación.

 Virtudes é un relato fiel da dureza e atrancos soportados por unha avoa que emigra a Londres para sacar adiante á familia; o seu sufrimento vese compensado cos éxitos dos fillos e co poder económico que reparte cos netos. Como soe pasar, non lle dá tempo a disfrutar dos seus retiro. 

A linguaxe é sinxela e de fácil lectura.,convidando a buscar o remate axeitado.

Todos a valoramos positivamente e merecedora dos premios acadados.

Ana Arias aportou elementos típicos ingleses que a protagonista enviaba á familia periódicamente ou ben se citaba na novela: COLLINS INGLES, PG tips, Baked beans e Charlie and the Chocolate Factory, co que nos devolveu á propia lectura e vivencias de Virtudes.

Lendo ciencia: "Os nenos da varíola" e os lectores de 4º ESO

Coa profesora de ciencias para axudarrlles a lembrar cada detalle da lectura: "Os nenos da varíola", os alumnos de 4º de ESO, reuníronse na biblioteca.

 Empezaron opinando do tema tan actual e destacaron o éxito do proxecto a pesar das dificultades daquela época, tanto económicas, de infraestructuras como de loxística. 

 Salientouse tamén a valentía dos organizadores, en especial d@s responsables da misión por levar menores ao seu cargo. Reflexionaron tamén sobre a repercusión sanitaria que ese experimento tivo e ten na actualidade. Comparouse o uso desta vacina co das da pandemia que estamos a soportar.

 Foi valorada positivamente por relatar un feito real e ser contada con vocabulario e expresións de fácil asimilación.

Coñecendo mundo...

Os alumnos de 3º de ESO, exploran outro país e noutro idioma. Dado que Jean, a Auxiliar de conversa é americana, quixemos abundar na presentación que nos fixo do seu país e así ter máis preguntas para cotexar e/ou ampliar a súa información. Coordinad@s pola profesora de inglés,comentaron o que leron e aprenderon e incluso responderon por escrito a unha sinxela batería de preguntas. Algúns alumnos recoñeceron ter certa dificultade co novo vocabulario pero todos se sinten moi satisfeitos de telo intentado.

Lectores de 5º de EP len mediante cómic

Todos @s alumn@s de 5º de EP puideron ler, analizar viñetas, debuxos, coloridos,e formatos diferentes da presentación do contido do conto: "Mi año." Dado que había exemplares abondos, leron e analizaron cómodamente a obra, e na reunión do 20 de decembro compartiron as súas opinións:moi sinxelo de ler, moi atractiva a súa presentación, e moi interesante o tema tratado:ser solidarios cos nosos compañeiros e coas persoas que nos necesitan. Suxiren seguir lendo neste formato, en cómic.

"No pidas sardinas fuera de temporada" e os investigadores de 3º de ESO

Os alumnos e alumnas de 3º de ESO, reuníronse o 20 de decembro para comentar esta extraordinaria novela xuvenil; non quedou detalle sen mencionar, persoaxes, lugares das accións e os propios actos. Todos coinciden en que o importante é descubrir a verdade e que os delincuentes deben ser castigados. A obra ten intriga e ofrece a posibilidade de sentirse detectives ao tempo que actúan @s personaxes.