Lectores de 5º EP , descubren a desaparición de zapatos en "Os Sabuxos entran na casa do pé esquerdo"

 Os alumnos de 5º de EP, estréanse no Club de lectura cunha obra de intriga de Jaureguizar.

A maioría deles mentras len, van anotando o argumento, nome de protagonistas, detalles importantes que lles chamaron a atención...e fan un resumo do lido; durante a reunión expoñen a súa opinión intercambiando detalles do comportamento das personaxes. 

Certa noite desaparecen todos os zapatos do pé esquerdo; como era de esperar, os veciños sospeitan de Mangallón, un vello rabudo que vende calzado e que lle queren tirar a casa para ampliar o campo de golf. Só Nica e un grupo de rapaces cren na súa inocencia. Son Os Sabuxos. Finalmente conseguirán liberar a Mangallón desa carga e eles serán ben respectados no seu barrio.